Aho bete hortz TV

Hona hemen, 3. atazarako, nire taldearekin batera eginiko publizitate polemikoari buruzko telebista, Aho bete hortz TV:



EGILEAK:
Irene Olano
Nerea Etxaniz
Eider Aranberri
Mirian Frances

AHO BETE HORTZ TV-ren PROGRAMAZIOA:

• 23:56/11:56 AM Iragarki diskriminatzaileak, emakumearen, nahiz gizonaren kasuak erakutsiz. Haurrak publizitate objetu erakargarri bezala agertzen diren iragarki batzuk ere bai.

• 00:30/12:30 GMT+1 Dokumentalak, publizitate polemikoaren gaia jorratzen dituztenak.

• 06:07/18:07 GMT+1 Iragarki polemikoenak. Telebistan transmititu izan diren eta kontrobertsia handia sortu izan duten iragarkiak.

• 08:33/20:33 GMT+1 Gai zehatzeko iragarkiak. Politika eta kirolarekin zerikusia duten iragarkiak, betiere polemikoak.

• 08:48/20:48 GMT+1 Publizitate subliminala. Gai honekin zerikusia duten hainbat adibide, bai iragarki edo pelikuletan. Azkenengo hauetariko asko haurrei zuzendutakoak.

• 10:20/22:20 GMT+1 Pelikula eta laburmetraiak. Publizitate polemikoaren kausak eta zergatiak ulertzeko baliagarriak diren filmeak, honek historian zehar izan duen garapena eta giza-burmuinean sortzen duen eragina azalduz.

• 11:42/23:42 GMT+1 Zentsuratutako iragarkiak. Telebista kateetatik kendu izan diren iragarki ugari, haainbat marka ezagun tartean direlarik.


ON DEMAND BIDEOAK:

Telebistaren sarrera orokorra, bere ezaugarri eta helburu nagusiak azalduz.

Telebistaren atal desberdinen sarrera, hauetariko bakoitzean ikusi ahal dena banaka azalduz.

Polemika nagusi. Bere moementuan, askoren ahotan agon izan diren, eta controversia handia sortu izan duten iragarkiak.

Oliviero Toscani. Publizista ezagun baina polemikoaren kanpaina ezagunetakoen aurkezpena.

Kaleko publizitaterik polemikoena. Munduko kaleetan zehar ikusi ahal izan diren publizítate kanpaina harrigarrienen aurkezpena.


Aho Bete Hortz TV, Advertisment TV-ren barnean kate bezala ere aurkitu ahal izango duzue laister.

"Ikas dezagun kontzeptuak parekatuz" ariketa

Honako ariketa honetan, terminoak eta terminoei beraiei dagozkien kontzeptuak parekatu behar dituzu.

0. Jirafa: Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

1. Slow motion: Irudi mugimendua moteltxoago erreproduzitzea.

2. Teleprompterra: Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

3. Bitakora: Iberoamerikan erabiltzen den hitza berriemaileentzako eskuliburuak izendatzeko

4. Klaketa: Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

5. Close-up: Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

6. Dolly-a: Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

7. Jingle-a: Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

8. Klimaxa: Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

9. Ekoizpena: Irratsaio edo telesaio bat egiteko behar diren baliabide finantziero, material eta juridikoez arduratzea.

Nor da pertsonaia ezkutua??

hona hemen erantzunak:

0. Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.
Vladimir Zworykkin

1. CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.
Ted Turner


2. Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.
Jose Maria Iriondo

3. Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.
Ramon Maria Labayen Sasinenea

Krisi ekonomikoa, 2. ataza

LIVELY

Joan den ostiraleko 17:30etan Lively.com webgunean sartzeko proposamena egin zigun Gorka Palaziok, bere ikasgaiko ariketa bezala.
Sartu bezain orduko, arazotxo bat agertu zitzaidan, Microsofteko lizentzi bat instalatu behar nuela esaten zuena. Baina ordenagailu berak emandako aginduen bitartez segundu gutxiren tartean barruan nitzen erraztasun handiz.

"Mountain View" gelan sartzeko agindu zigun irakasleak, eta bertara sartu bezain orduko ikaskide mordo bat zegoen jada barruan. Denborak aurrera egin ahala, Gorka ez zen agertzen, eta norbaitek gela betehegia zegoelako zela esan zuen.
Beraz, horixe litzateke webgune honen alde txarretako bakarra. Bisitari kopuru mugatuak dituela, alegia.
Baina horretaz gain, abantaila ugari dituela esan beharra daukat. Izan ere, mundu osoko jendea ezagutu, eta hauekin hizkuntza desberdinak praktikatu ahal izateaz gain, hainbat bideo interesgarri ikusteko aukera eskaintzen du.

Horretaz gain, etorkizunean oso erabilia izango dela iruditzen zait, mundu birtualen moda gero eta handiagoa baita.
Beraz, Internetek eskaintzen dituen hainbat baliabide berrietako bat ezagutzeko esperientzi interesgarria iruditu zitzaidan ostiralekoa.
Dudarik gabe, errepikatzeko modukoa.

TOP 7

Hona hemen, neure ustez, irrati eta telebistako informazioaren teoria eta teknikako ikasleontzat oso erabilgarri eta interesgarriak izan daitezkeen 7 webgune:

• 1. www.google.com
  Internetek eskaintzen dituen bilatzailen artean erabiliena dugu. Edozein gairen inguruko informazio edo irudiak era erraz eta azkar batean aurkitzeko aukera eskaintzen du. Baina batez ere, bertan eskuragarri dagoen eduki kopuru izaugarria eta honen berritasuna izango litzateke aipagarriena. Hau da, etengabeko gaurkotasunean dihardu.
  2. www.jamendo.com
  Jamendo musika librea sustatzeko sortu den webgunea dugu. Honen bitartez artistek musika era libre batean argitaratzen dute, beraz hauen entzuleek ere era berean jaitxi dezakete euren ordenagailuetara. Sormenari oztopoak kentzeko eta mundu artistikoan legalki jarduteko aukera eskaintzen du.
  3. www.ebay.com
  Ebay, Internet bidezko enkate edo subasta sarea dugu. Edozein pertsonak erregistratu dezake Ebayn eta nahi duen produktua saldu edo erosi, bai lehen edo bigarren eskukoa izanda. Ikus-entzunezko produkziorako baliagarriak diren artikuluak aurkitu daitezke(bideo eta argazki kamerak, hauentzako artikuluak, ordenagailuak...) eta gehienetan prezio eskurakorrago batean.
  4. www.zamzar.com
  Zamzarren bitartez edozein artxibo, zuk nahi duzun formatutara aldatzeko aukera daukazu. Ordenagailuak berak egiten du lan guztia eta guztiz dohaina izateaz gain, prozesu ikaragarri sinplea da. Interesgarria da artxiboei eman nahi diezun kalitatea zeuk aukeratu ahal izatea formatuaren bitartez.
  5. www.mogulus.com
  Mogulusen bitartez gure online telebista propioa sortzeko aukera daukagu. Honen bitartez asteko 7 egunetan 24 orduz zeuk erabakitako programazioa emititu dezakezu, bai zuzenean webcam-aren bitartez, edota defirituta, mundu osoan zehar. Izan ere, telebista guztien esku geratzen da.
  6. www.zabaldu.com
  Gaztelaniazko “meneame” webgunearen euskarazko bertsioa izango litzateke. Bertan, edozeinek berriak igotzen ditu, eta jendeak eginiko bozketaren bitartez, berri hoiek sailkatzeen dira, garrantzitsuena lehen postuan aurkeztuz. Azkeneko albisteen berri euskaraz izateko aukera polita da.
  7.www.ted.com
  Webgune honen bitartez, gaur egungo hainbat gaiei buruzko aditu desberdinen iritzi eta azalpenak ikus daitezke. Nahiz eta ingelesez eskaini, komunikabideen inguruko eztabaida eta ikerkuntza oso interesgarriak aurkitu daitezke.

"Uztarria" hilabetekaria

Hauxe izango litzateke Uztarria aldizkariari buruzko Wikipediarako sarrera egoki bat:

• Uztarria, Gipuzkoako Azpeitiko herriko hilabetekaria dugu. Azpeitiko Kultur Koordinakundeak, 1.999ko azaroaz geroztik hilero kaleratu du aldizkari hau, bertan, herriarekin zerikusia duten azkenengo albisteen berri emanez.
  
  Lehenik, Kultur Koordinakunde bezala sortu zen 1998ko martxoaren 3an. Batez ere herriko euskara eta kultur talde askok, eta informazio-komunikazioarekin zerikusia duten azpeitiar ezagunek sortu zuten, Euskaran, Kulturan eta Komunikazioan egoera txarra zela-eta.
  
  2008ko martxoaren 3an, berriz, Uztarriak kultur koordinakunde izateari utzi zion, helburuak beteta eta Komunikazio Talde bezala baino ez zuen segitu.
  Gaur egun, 1600 harpidedun dituen aldizkaria dugu, dohain izanik Azpeitiar guztientzat.
  Bestetik, hilabetero argitaratzen dena eskuragarri geratzen da online Uztarria.com atariaren bitartez.