ERAGINKORTASUNA SARITZEN

Gaurko klasean, publizitate munduan eginiko lana eta esfortzua saritzeko gaur egun eskaintzen diren sariei buruz aritu gara. Baina hauen artean, sari mota berezi batean jarri dugu gure arreta: eraginkortasuna kontutan hartzen duten sariak, hain zuzen. Hau da, sari hauek, publizitate kanpainek lorturiko emaitzetan oinarrituta ematen dira, eta ez hauen orijinaltasun edo kreatibitateagatik. Izan ere, azkeneko honentzako, beste sari mota batzuk baitaude; besteak beste, El Sol saria.













Beraz, eraginkortasuna da Eficacia sariak premiatzen duena, eta ez besterik.
Gaur ikusi dugunez, sari mota hauek iragarleek ematen dituzte. Hau da, agentzia desberdinek, euren kanpainetan ezarritako esfortzuari esker, iragarleentzako oso emaitza onak lortzen dituzte askotan, eta noski, hauek, beraientzako eginiko lan hori ordaintzeaz gain, saritu ere nahi izaten dute. Beraz, horretarako sortzen dira sari-banaketa hauek.






















Ekitaldi mota hauetan, beraz, publizitatearen alde “zientifiko” edo “matematikoa” aztertzen dela esan daiteke, nolabait. Hau da, ezin da ezeztatu, iragargintzak, kreatibitate zati oso garrantzitsu bat duela. Izan ere, publizitatearen muina hartzailearen arreta erakartzea da, eta horretarako, dudarik gabe, ideia orijinal eta berritzaileak ezinbestekoak dira. Baina, ezin da ezeztatu ezta ere, publizitatearen betiko helburua, etekinak(ekonomikoak, notorietate aldekoak, posizionatzea, etab…) ateratzea izan dela, eta izango dela beti.
Beraz, behin hartzailearen arreta erakarrita, emaitza edo etekin hauen behar zuzen bat dago. Eta hemen, hain zuzen, aurretik aipatutako publizitatearen alde “zientifiko” hori. Izan ere, etekin guzti hauek neurtu egin behar dira. Eta neurketa hau oso zehatza izatera iristen da. Etekin ekonomikoak, €tan; audientzia edo notorietate motako emaitzak, inpaktu edo GRP motako datuetan,etab…
Hauexek dira, hain zuzen, gaurko azterbide izan ditugun Efikazia sariak aztertzen dituen datuak, eta hauetariko onenak lorturiko agentziak saritzen dira.

Ekitaldi honek eskainitako sariak, azkenik, agentzia berarentzako izugarrizko mesedekoa izan ohi da. Izan ere, kreatibitate sariek notorietate eta prestigioa lortzeko balio dieten bitartean, efikazia motako sariak, bezeroak lortzeko aukera paregabea eskaintzen die. Hau da, bezero izandakoak dira sariak ematen dituztenak, beraz, agentzien lanarekiko konformetasun eta arrotasun hau ikusteak, iragarle berriak erakarri ditzake, argi eta garbi.
Eta azkeneko urteko datuek adierazitakoak, indartu egiten du ideia hau.

2009ko Eficacia sarien irabazleen zerrenda aztertzen badugu batetik, eta bestetik, urte horretako iragarleen inbertsio-rankina, bien artean nolabaiteko zerikusia dagoela ikusi ahal dugu, batez ere, adibide zehatz batzuetan. Esaterako, Telefonica, rankineko---- postuan ikusten dugu, eta aldi berean, ………. Saria eraman zuela ere bai. Beraz, kasu honetan, harremana nahiko argia da. Sari honetara iristeko moduko emaitzak irabazi izanak, Telefonicari konfidantza puntu bat ematen dio, eta noski, bere burua iragartzen jarraitzera bultzatzen du, ikusten denez, oso maila handian. Hots, agentzietan eginiko inbertsioa ere maila berekoa bilakatzen da, azkenik, hauek ere etekinak lortu.

Hau da, laburbilduz, sari mota hau oso positiboa da publizitate agentzientzako. Agian ez publiko orokorraren arteko prestigio edo notorietatea lortzeko, baina bai iragarleen artekoa; eta ondorioz, etekin ekonomikoak lortzeko ere bai.

FACEBOOK ESPERIMENTUA

Orain dela astebete, esperimentu bati ekin nion. Facebookeko profil faltsu bat sortu nuen, astebeteren buruan zenbat “lagun” lortu nitzakeen aztertzeko.
Profilean “Wendy Woods” izena jartzea erabaki nuen, Donostiakoa, horrela, nire lagunen bati eskaria egitea pentsatzen banuen, ezinezkoa izateko ni nintzela jakitea. Adina aldetik ere, naizena baino lau urte gehiago jarri nituen.
Eta azkenik argazkia, googlen topatutako hondartza batean dauden bi umetxoren argazki bat jarri nuen, ez bainuen nahi neska zehatz baten argazkia jartzerik. Hau da, nolabait nire profileko “Wendy” horren fisikoa ezkutatu nuen, honek ere jendearengan eragina izan zezakeelakoan(kuriositatea agian, edota alderantziz oraindik eta arreta gutxiago).

Beraz, profil aldetik, jada prest nengoen “lagunak” lortzen edo gonbidatzen hasteko.
Nolabait hasteko, banekien nire kuadrilako lagun batzuek bazutela eta beraz, bakoitzari “lagun eskaera” bat bidali nien. Guztiek onartu zuten pare bat egunen buruan. Beraz, 7 lagun jada lortu nituen. Momentu horretatik, neuk ez nion inori beste eskaerarik bidali, eta astearen amaieran, 23 lagun nituen. Hauek beraz, eurek esakera niri bidalita, eta neuk onartuta.

Esan beharra daukat, ez dudala agian baliabide handirik jorratu neure profila interesgarriagoa bilakatzeko, baina hala ere oso bitxia iruditu zait jende ezezagunak “lagun eskaera” bidali didanean, espontaneikoki(pare bat izan dira).Batez ere, batek harritu nau asko, Sri Lankako neskato bat!
Bestetik, orokorrean, iritsi zaizkidan eskaerak, inguruko lagunena, edota neure lagunen lagunena izan da.

Esperimentua amaituta, ondorio batzuetara iritsi ere egin naiz. Lehenik eta behin, sare sozialek munduko jende guztia kontaktuan egon ahal izatea eskaintzen dute. Ideia horrekintxe sortuak dira, eta noski, hauen bitartez, hori lortu, lortu daiteke. Baino garbi dago(batez ere, esperimentuan oinarrituta), jende ezezagunaren arteko kontaktu horrek ez duela horrenbesteko indarra sare hauetan. Hau da, batez ere, lagunen edo ezagunen arteko kontaktuan oinarritzen dira.
Guztioi zaigu zaila erabat ezezaguna den norbaitekin nolabaiteko harremanen bat hastea, bapatean, sare sozial berdinean suertatu garelako bakarrik.

Niri behintzat (noski, agian beste askok desberdin pentsatuko dute), oso arraroa egiten zait ezertaz ezagutzen ez dudan norbait nire kontaktuen artean egotea. Esaterako(berriro ere esperimentura joz), “lagun eskaria” bidali zidan Sri Lankako neskatoa, onartu egin nuen, baina erabat harrituta geratu nintzelako. Agian, neure facebook normal bat izango balitz ,hau da, benetakoa, ez nuen onartuko, ez baitiot zentzurik aurkitzen ezertaz ezagutzen ez dudan norbait nire lagunak diren kontaktuen artean egotea. Etikoki ez deritzot ohiko gauza bat. Eta gainera, jende ezezagunarekin harremanetan jartzeko, sare sozialak baino gehiago, “chat”ak, blogak eta horrelakoak erabiliagoak direla iruditzen zait.

Hau ikusita, beraz, argi ikusten dut, nik, eskaintzen dituen aukera guztiak alde batera utzita, neure inguruko lagun eta ezagunekin harremana izateko tresna bat bezala erabiliko dudala.

Bestetik, aurreko asteko ariketarekin zerikusian, hau da, sare sozialetan marketingak izan ohi duen eskuartzea, ez dut uzte sareetan bakarrik oinarritzen den kanpainarik ezagutzen dudanik. Beti, beste euskarriren batean ere aurkitu daitekeen kanpainak izaten dira, eta sare sozialen bitartez eskaintza edota lehiaketa bereziren bat iragartzen dute. Esaterako, Seat auto baten zozketan parte hartzea, edota Privalia denda virtualeko eskaintzaren bat, etab…
Nahiz eta ez egin, edo nik behintzat ezagutzen ez dudan, ordea, posible iruditzen zait sare sozialetan bakarrik oinarritutako kanpainarik sortzea. Baliagarria litzateke batez ere, aurrekontu baxua dagoenean, sare hauetan iragartzearen kostua ez baita altua izaten. Eta bestetik, lehenago aipatu izan dudan bezala, interesatzen den targetera zuzenean iristeko aukera ona eskaintzen du.
Beraz, izugarrizko eragin edo notorietatea lortu gabe, behintzat, zeure targetera, era merkean heltzeko aukera ona da, eta baliagarria izango zitzaion, agian, jende edo iragarle askori.

• Facebook-eko esperimentu eta gogoetarekin zerikusian honako kantu hau topatu dut. Sare sozialak hartzen ari diren indarraren adibide garbi eta original bat iruditu zait. “Esteman” abeslearen singleak “No te metas a mi Facebbok” izena du!Eta arrakasta handia ari da lortzen!Hementxe uzten dizuet, ea gustokoa duzuten. Niri behintzat gustatu zait!

Sare sozialen eraginkortasuna

Sare sozial bateko kide naiz orain dela 2 urtetik. Neure kasuan, ez da Facebook-a ordea, gehiengoaren antzera. Ni “Tuenti” sare sozialeko kide naiz.
Hasiera batean, sare hau neure lagun eta ezagunekin kontakuan egoteko eta hauen berri jakiteko zela uste nuen, baina berehala ohartu nintzen hortik askoz ere urrunago doala sare sozial bat. Guztiek baliabide eta formatu desberdinak eskaini arren, oinarrizko ezaugarri batzuk dituzte. Eta noski, ezaugarri horietako bat, marketingak hauengan egiten duen erabilpen geroz eta handiagoa litzateke.
Izugarria izan da sare sozialen hazkundea azkenengo urteetan, eta nola ez, hauen erabilpena. Komunikazioa garatu egin da, eta orain sareak eskaintzen dituen baliabideak ikaragarriak dira. Erabiltzaileok edota “nabigatzaileok” jada geure iritzia eskaini dezakegu, eta kasu gehienetan erantzuna jasotzen dugu. Hau da, harreman estuago bat ezarri da kontsumitzaile eta saltzaileen artean. Noski, hau guztia marketingarentzako aukera berri bat bezala suertatu da. Nolabait, betiko euskarrietatik irten, eta kontsumitzailearekiko harreman horretaz baliatzea erabaki dute.

Beraz, niri behintzat, ezinezkoa zait esatea ez dudala igarri marketingak sare sozialetan(edo behintzat ni kide naizenean) izan duen agerpena edo eskuartzea. Nire kasuan, hau da, Tuentian, batik bat ikusi edo iritsi zaizkidan adibide garbienak marketing biralarenak izan dira. Tuentian, “eventos” izeneko aukera edo baliabidea dago.Honen bitartez, sareko kide den edozeinek orritxo bat sortu dezake eta bertan norberak nahi duenari buruzko informazioa idatzi dezake. Ondoren, orri hau gertuko lagunei bidaltzen zaio(“gonbidapen” bat bezala), eta lagun hauek beste lagun batzuei, etab… Horrela, orritxoaren sortzaileak mugarik gabeko jende kopuru batera iritsi dezake.

Gainera, zehatzago izateko, enpresa eta iragarle garrantzitsu edota ezagunenak “eventos patrocinados” bezala desberdintzen dira. Hau da, esate baterako: Vodafone, bere oferta berri bat aurkeztuz, edota Shandy Cruzcampo gargardoa, lehiaketa bereziren batera parte hartzera gonbidatuz… Bestetik, iragarle arruntak edota behintzat ezagunak ez direnak hamaika gauza azaltzen dituzte euren “eventoan”: motor bat salgai dagoela, ekitaldi zehatz batzuen eguna gogorarazi(esaterako, ikastolen aldeko Jaiak), etab…

Beraz, adibideak ugariak dira, baina hala ere, esan beharra daukat, iritzi pertsonal bezala, egunero hainbat horrelako “evento” iristen zaizkidala baina nik ez dietela jaramonik egiten!Noski, abantaila bat da iragarleentzat, marketing aldetik, jende askorenagana eta zehazki interesatzen zaionarengana oso era errazean eta merkean iritsi dezaketelako, baina bestalde, nazkatu egiten dutela ere esan daiteke, denborarekin, ugaritzen ari baitira, eta azkenean “bete” egiten zaituzte.

Azken finean, sare sozialetan, jendearengana iritsi, iristen dira. Baina eragina izan, zailagoa den zerbait deritzot. Agian, hemendik urte batzuetara, muga hori gainditu ahalko dute, baina gaur egun behintzat, gauzak horrela daude.

Internet&eraginkortasuna

Hona hemen, irakasgaian eginiko lehenengo ariketa, internet bidezko publizitatearen inguruan.
15 minutuz, interneteko edozein webgunetan ibili ondoren, honako galdera hauei erantzun behar izan diegu:

a) Ze publizitate formatu topatu duzun? (banner, pop-up, spam…)-Egia esan, ez dut gogorarazten ikusitako publizitate bat bera ere, baina zihur nago topatu dudala. Izan ere, “Tuenti”an eta “Hotmail”ean(hau da, 15 minutu hauetan nik erabilitako webguneetan), beti agertzen da publizitatea. Gogoratu dezaket, ez zaidala agertu pop-up moduko publizitaterik, baina bai banner modukoa. Korreoko orri nagusian beti agertu ohi dira bi aldeetan bannerrak. Askotan automobil baten publizitatea izan ohi dela aipatu dezaket, baina ezin dut zihurtatu oraingoan horrela izan denik.

b) Ze markarekin egin duzun topo?-Lehenago esan dudan bezala, ezingo nuke marka bat bera ere aipatu, nahiz eta argi izan publizitatea topatu dudala.

c) Mezu/edukiren batek zure atentzioa deitu du?-Ez da egon nire atentzioa deitu duen mezu edo eduki zehatzik.

d) Publizitatearen aurrean men egin al duzu? Hau da, banner batek proposatzen zizuna jarraitu duzu, iragarle baten webgunera ailegatu zara?-Ez diot jaramonik egin iritsi zaidan publizitateari. Hau da, ez naiz inongo bannerretan sartu, beraz nik zehazki aukeratutako webguneetan ibili naiz, eta ez inork iradokitutakoan.

Buelta zaitez orain ibili zaren orri edo dena delakoetara. Erreparatu publizitateari. Hor zegoen, ezta?- Bai, argi gainera. Korreoan esaterako, banner nahiko handia zegoen, oso erraz ikusteko modukoa. Mugikorrarekin erabiltzeko joko bitxi baten publizitatea zen. Tuentiaren kasuan, garbi antzeman dut oraingoan agertu zaidan publizitatea lehengoan ez zaidala agertu. Izan ere, pop-up bat agertu zait, bideo moduan, Disneyko film berri baten trailerra zuena: “La princesa y el Sapo”.

e) Zure esperientzia hau eta aurrekoak kontuan hartuta, interneteko publizitateaz ze balorazio egiten duzu? Eraginkorra ote da? Asko/gutxi ikusten da? Erakargarria da? Hausnartu honen ingururan beste medioak kontuan hartuta.- Ariketa hau burututa, ondorio nagusi batetara iritsi naiz. Zer nolako eragin eskasa izan dezakeen interneteko publizitateak jendearengan, hain zuzen ere. Hau da, nahiz eta publizitatea interneteko txoko guztietan aurki dezakegun, horrek ez du gugan eragin zuzenik edota behintzat derrigorrezko eraginik egiten. Agian bere nagusitasuna da horren arrazoi nagusia, hau da, azkeneko urteetan ikaragarri ugaritu da mezu publizitarioen presentzia interneten, eta azkenean masiboki topatzen dugu nabigatzen gabiltzala. Ondorioz, gauza normal bat bezala hartu dugunez, gure arreta erakartzea geroz eta zailagoa da. Beraz, neure ustez , nagusitasunak baino gehiago, orijinaltasunak ekarriko luke gure arreta erakartzea.

Noski, hau guztia, gainontzeko medioetan berdin ematen da: telebistan, irratian, egunkari nahiz aldizkarietan, mugikorretan,etab…. Beraz, geroz eta teknika bereziago erabiltzen dituzte iragarleak, euren publizitatea besteen gainetik deigarria izan dadin. Hau da, neuk lehenago esan bezala, neure ustez jada orijinaltasuna topatzen hasi dira, nagusitasunaren gainetik. Presentzia hutsa jada, ez da erakargarria.

Publizitate eraginkortasunaren baliostapena

Kaixo guztioi!!

Hemendik aurrera, blog hau Publizitate eraginkortasunaren baliospenaren irakasgaiari zuzendua izango da. Hau da, bertan ikusiriko eta landuriko berri eta ariketak topatu ahal izango dituzue!

Noizean behin, neure ustez publizitatearen inguruan interesgarriak izan daitezkeen berri edo datu bitxiren bat ere estekatuko dut, blog hau zertxobait erakargarriagoa bila ezazuen.

Beraz, besterik gabe, espero dut guztion gustokoa izatea eta....ongi etorri publizitatearen mundura!!